Një qytetar ka denoncuar pranë redaksisë tonë një rast shqetësues lidhur me një pako djathi që ka blerë te “Xhangolli” në zonën e Delijorgjit.
Sipas qytetarit, djathi i dhisë “Erzeni”, i cili kishte afat skadence deri më 17 prill ishte i prishur dhe me shenja të dukshme myku, edhe pse jemi ende në muajin shkurt.
Qytetari shprehet se ky rast është i papranueshëm dhe ngre shqetësime serioze për sigurinë ushqimore dhe kontrollin e cilësisë së produkteve të qumështit në tregjet lokale.
Ai kërkon që autoritetet kompetente të ndërhyjnë dhe të kryejnë inspektime për të parandaluar rreziqe të ngjashme për konsumatorët.
