Një apel urgjent ka mbërritur në redaksinë e JOQ Albania për gjetjen e një të moshuari që ka humbur kontaktet me familjen që prej mëngjesit të së shtunës.
Bëhet fjalë për Musa Hysenllari, 78-vjeç, banues në zonën e Kinostudios, Tiranë. Sipas familjarëve, ai është parë për herë të fundit pranë mensës “Alma” në Kinostudio dhe prej atij momenti nuk dihet asgjë për vendndodhjen e tij.
Familjarët bëjnë me dije se 78-vjeçari nuk ka me vete telefon apo mjet tjetër komunikimi, duke e bërë të pamundur kontaktin me të.
Të afërmit janë shumë të shqetësuar dhe kërkojnë ndihmën e qytetarëve. Çdokush që mund ta ketë parë apo të ketë informacion për vendndodhjen e tij, lutet të kontaktojë menjëherë në numrin: 069 401 9992.
Çdo informacion, sado i vogël, mund të jetë i rëndësishëm për familjen.
