Një tentativë grabitjeje ka ndodhur pasditen e së premtes filialin e Postës Shqiptare në Shkodër. Ngjarja ka ndodhur rreth orës 19:00 në lagjen “Vasil Shanto”.
Sipas njoftimit të policisë, një person ende i paidentifikuar ka tentuar të marrë me forcë një shumë parash brenda ambienteve të postës, por nuk ka arritur të realizojë vjedhjen. Gjatë largimit, autori ka thyer xhamin e sportelit.
Policia ka shkuar në vendngjarje dhe ka nisur kontrollet në zonë për kapjen e autorit. Grupi hetimor, nën drejtimin e Prokurorisë, po punon për identifikimin e autorit dhe dokumentimin ligjor të ngjarjes.
“Në lagjen ‘Vasil Shanto’, një shtetas i paidentifikuar është futur brenda filialit të Postës Shqiptare dhe ka tentuar të marrë me forcë një shumë monetare. Gjatë largimit ka thyer xhamin e sportelit. Shërbimet e Policisë janë në terren dhe vijojnë kontrollet për kapjen e tij,” njofton policia.
