Një qytetar nga Zall-Bastari i është drejtuar redaksisë tonë për të denoncuar bllokimin e rrugës në këtë zonë nga rrëshqitja e dherave dhe mungesën e reagimit nga autoritetet lokale.
Ai thotë se në rrugë kanë mbetur makina me familjarë, fëmijë e të sëmurë, por për administratorin njësisë Zall-Bastar, Hamza Sita, kjo nuk përbën asnjë problem pasi deri tani nuk ka marrë asnjë masë për zgjidhjen e situatës.
Qytetari shprehet se, për shkak të emergjencës dhe pranisë së familjeve, banorët kanë marrë një fadromë private për të hapur rrugën, por janë penguar nga administratori i njësisë, i cili nuk ka lejuar ndërhyrjen private.
Sipas qytetarit, Sita i ka lënë banorët të izoluar dhe pa zgjidhje pasi rrugën s’duhet ta hapin privatisht.
Banorët kërkojnë ndërhyrje të menjëhershme nga institucionet përkatëse për hapjen e rrugës dhe garantimin e sigurisë së tyre.
Mesazhi i qytetarit:
“Pershendetje Joq, eshte bllokuar rruga ne ZallBastar dhe Administratori i njesise zall-bastar hamza sita nuk na shperfill. Morem fadroma private me hapur rrugen se jemi me familje me femije e te semure dhe hamza sita nuk lejoj qe rruga te hapet privatisht, thote nuk me plas fare rrini aty
