Një sherr i ndodhur mbrëmjen e sotme në një lokal në qytetin e Korçës ka degjeneruar në përdorimin e thikave, duke lënë të plagosur një person.
Sipas të dhënave paraprake, i dyshuar si autor është një 17-vjeçar, ndërsa i plagosur ka mbetur një 34-vjeçar. Burime nga policia bëjnë me dije se 34-vjeçari ka marrë dëmtime në dorë nga mjeti prerës dhe është dërguar në spital, ku ndodhet jashtë rrezikut për jetën.
Mësohet se i plagosuri ishte kthyer në Shqipëri vetëm pak ditë më parë, pasi prej vitesh jetonte në Greqi.
Paraprakisht dyshohet se ngjarja lidhet me një konflikt të mëparshëm mes tyre. 17-vjeçari është shoqëruar në Komisariatin e Policisë Korçë dhe po ndiqen procedurat e mëtejshme.
