Mëngjesin e sotëm, kryeministri Edi Rama u zgjua plot energji për të sulmuar gjyqtarët të cilët kërkojnë rritje rroge. Duke i cilësuar si tymnajë populiste, me deklaratat e tij, Rama tregoi dhe njëherë se po minon pavarësinë e drejtësisë.
Pas sulmeve të Ramës përmes rrjetit të tij social Facebook, erdhi dhe reagimi i Shoqatës së Prokurorëve. Shoqata vlerësoi se retorika që synon të kthejë opinionin publik kundër magjistratëve nuk kontribuon në forcimin e shtetit të së drejtës.
Pas kësaj, në vazhdën e sulmeve të hapura ndaj gjyqtarëve dhe prokurorëve, Rama në rrjetin social X, e nisi reagimin duke e cilësuar shoqatën e prokurorëve si “ende e paregjistruar sipas ligjit”.
Kjo ishte një gënjeshtër e kryeministrit, pasi Shoqata është e regjistruar. Këtë e tregojnë dokumentet më poshtë dhe vendimi i gjykatës.
Pasi doli bllof me deklaratën e tij se shoqata e prokurorëve është “ende e paregjistruar sipas ligjit”, Edi Rama publikoi një reagim tjetër. Pasi u kap gafil, kryeministri justifikohet se nuk ka pasur qëllim të akuzojë shoqatën për regjistrim të paregjistruar.
