Situata në fshatin Baks-Rrjoll të Velipojës është përshkallëzuar gjatë protestës së banorëve kundër ndërtimit të një resorti turistik në zonë. Gjatë përplasjes me forcat e policisë, një i moshuar që ishte pjesë e protestës ka rënë në tokë pa ndjenja, duke shkaktuar shqetësim dhe tension mes protestuesve.
Sipas pamjeve nga vendngjarja, në momentet e para asnjë punonjës policie nuk i është afruar për t’i dhënë ndihmën e parë të moshuarit. Po ashtu, nga pamjet rezulton se ai nuk është transportuar ende drejt spitalit, ndërsa banorët vijojnë të kërkojnë ndërhyrje urgjente mjekësore dhe ndalimin e përdorimit të forcës gjatë protestës.
