Një i moshuar, i identifikuar si Mehmet Mehmetaj, është gjetur në Tiranë nga disa qytetarë, të cilët kanë kërkuar ndihmë për të gjetur familjarët e tij. Sipas deklarimeve të vetë zotërisë, ai është me origjinë nga Nivica, por nuk arrin të kujtojë adresën apo shtëpinë ku banon.
I moshuari kishte me vete pasaportën, falë së cilës është bërë edhe identifikimi i tij. Megjithatë, për shkak të gjendjes së tij, ai nuk është në gjendje të kontaktojë vetë të afërmit.
Qytetarët që e kanë gjetur kanë bërë apel për ndihmë, duke kërkuar bashkëpunimin e kujtdo që mund ta njohë Mehmetin apo të ketë informacion për familjarët e tij.
Kushdo që ka informacion, apo e njeh të moshuarin dhe familjen e tij, është i lutur të kontaktojë në faqen tonë, në mënyrë që ai të rikthehet sa më shpejt pranë njerëzve të tij.
