Një qytetar ka denoncuar situatën shqetësuese në zonën e Kurbinit, në segmentin rrugor që lidh fshatrat Daul e Gërnac.
Sipas denoncimit, rruga është bllokuar si pasojë e rrëshqitjes së dherave, duke e bërë të pamundur qarkullimin. Pavarësisht kësaj situate, bashkia nuk ka marrë asnjë masë për hapjen e rrugës apo për ndihmën ndaj banorëve.
Të detyruar nga mungesa e reagimit institucional, vetë qytetarët kanë marrë lopata dhe kanë nisur pastrimin e rrugës me forcat e tyre, për të siguruar kalimin dhe lidhjen mes fshatrave.
Banorët kërkojnë ndërhyrje urgjente nga Bashkia Kurbin dhe institucionet përkatëse, pasi kjo rrugë është jetike për lëvizjen, shërbimet dhe sigurinë e komunitetit.
Denoncimi i qytetarit:
Ne zonen e kurbinit siper kishes se lacit lidhen 3 fshatra ktu quhet ne daul e gernac te kumines milot bashkia kurbin asnje nuk pyt per banoret e ktyre fshatrave faleminderit per mirkuptimin.
