Banorët e lagjes së “Çipajve” në Bulevardin e Vlorës po përballen me mungesë të energjisë elektrike që prej orës 05:00 të mëngjesit të ditës së sotme, duke i lënë në pasiguri dhe duke vështirësuar jetën e përditshme.
Sipas banorëve, ata kanë provuar disa herë të kontaktojnë me OSHEE-n Vlorë, ku u është premtuar se problemi do të rregullohej, por deri tani nuk është ndërmarrë asnjë masë konkrete. “Na thonë se do e rregullojmë, por asgjë nuk ka ndryshuar,” thonë ata, të zhgënjyer nga OSHEE.
Kjo situatë nxjerr në pah mungesën e përgjegjësisë dhe vonesat e OSHEE-së, duke krijuar një problem të përsëritur për komunitetin që ndodhet në qendër të qytetit. Banorët kërkojnë ndërhyrje urgjente dhe një plan të qëndrueshëm për furnizimin me energji elektrike.
