Një 54-vjeçar shqiptar dhe tre shtetas kolumbianë janë arrestuar nga policia italiane pas zbulimit të një rafinerie kokaine në Firence.
Autoritetet sekuestruan 34 kilogramë kokainë në banesën e shqiptarit, e cila në treg do të arrinte vlerën prej 700 mijë eurosh. Përveç drogës, policia konfiskoi edhe peshore, presa, furrë, pompa, makineri vakum, qese dhe substanca për përzierje.
Katër të arrestuarit ndodhen në paraburgim në burgun Florence-Sollicciano, sipas urdhërimit të Prokurorisë Publike të Firences. Vendimi për vlefshmërinë e arrestimeve u konfirmua më 22 dhjetor para GIP.
