Një automjet është përfshirë nga flakët pasditen e sotme në zonën e Liqenit të Thatë në Tiranë, për arsye që ende nuk janë bërë të ditura.
Sipas raportimeve të qytetarëve nga vendngjarja, automjeti ka qenë në flakë për mbi 30 minuta, ndërkohë që asnjë mjet zjarrfikës nuk ka mbërritur për të ndërhyrë dhe shuar zjarrin.
Një dëshmitar shkruan: “Makina ka marrë flakë në autostradë! Zjarrfikësja nuk ka ardhur prej gjysmë ore, te Liqeni i Thatë.”
Nga pamjet e siguruara nga JOQ, në vendngjarje shihen punonjës të Policisë, ndërsa mungon prezenca e shërbimit zjarrfikës. Deri më tani nuk raportohet për persona të lënduar.
