Një qytetar ka denoncuar përmbytjen e zyrave të agjencive doganore në Portin e Durrësit, ngjarje e ndodhur ditën e sotme.
Sipas tij, përmbytja ka ardhur si pasojë e mungesës së mirëmbajtjes dhe përgjegjësisë nga administrimi i godinës.
Qytetari shprehet se qiratë për këto ambiente arrijnë deri në 600 euro, ndërkohë që kushtet janë të papranueshme. Ai thekson se nga ana e administratës u është komunikuar se, nëse nuk janë dakord me kushtet, mund të ndërpresin kontratën.
Sipas qytetarit, godina është trekatëshe dhe uji vjen nga kati i dytë, ndërsa kjo situatë nuk është hera e parë që përsëritet. Si pasojë, tavanet janë dëmtuar rëndë, në disa ambiente kanë rënë fasadat, ndërsa në katin e parë, të dytë dhe në korridoret e zyrave vërehen dëme të konsiderueshme. Në pamjet e siguruara, duken qartë kompensatat e hapura dhe dëmtimet strukturore.
Qytetari kërkon ndërhyrje urgjente nga institucionet përkatëse dhe marrjen e masave ndaj përgjegjësve, pasi situata paraqet rrezik për sigurinë dhe vijimin normal të punës.
Denoncimi i qytetarit:
Pershendetje ! Lutemi nese keni mundesi te shperndani videon ne portin e durresit , zyrat e agjesive doganore, esht permbytur diten e sotme.pa pik pergjegjesie qirat nga 600 euro . ku thojn nese nuk ju pelqejn kushtet tona prishni kontraten dhe beni ca te doni
Asnje zgjidhje , asnji procedim per kto hajduta. ndertesa esht 3 katesh , nga kati i2 vjen uji nuk esht hera e par qe ndodh. Tavanet jan cop cop. ne katin e par ne katin e 2 dhe zyrat brenda korridoret kan ren fasadat qe shikoni ne video jan hapur kompesatat
