Pas disa orësh nga ngjarja, policia arrestoi 56-vjeçarin Mikel Ndoj, i cili plagosi me thikë vajzën e tij, 24-vjeçaren Xhensila Ndoji. Ai ishte i divorcuar për shkak të dhunës së vazhdueshme në familje.
56-vjeçari ka precedent penal në Itali për dhunë, për të cilën kishte vuajtur disa vite burg. E ëma e vajzës së plagosur punonte në një fasoneri pranë vendit të ngjarjes.
Krimi ndodhi jashtë një agjencie imobiliare ku punonte Xhensila. Përveç saj, u plagos edhe një koleg i punës që ndërhyri për të parandaluar përshkallëzimin e ngjarjes. Të dy viktimat vazhdojnë trajtimin mjekësor në spital.
