Një aksident i rëndë rrugor është shënuar në aksin Kabash–Porocan, në Gramsh, pranë fshatit Bardhan, ku një mjet tip kamion ka dalë nga rruga dhe ka rënë në humnerë.
Si pasojë e aksidentit, dy persona kanë humbur jetën në vend, ndërsa një tjetër ndodhet në gjendje shumë të rëndë shëndetësore. Në mjet udhëtonin një mësuese, një infermiere dhe drejtuesi i mjetit, të gjithë pjesë e personelit të shërbimit në zonat rurale.
Mësohet se mësuesja dhe drejtuesi i mjetit kanë ndërruar jetë në vendngjarje, ndërsa infermierja është transportuar me urgjencë në spital dhe ndodhet nën kujdesin intensiv të mjekëve.
Autoritetet po hetojnë shkaqet e aksidentit.
