Drejtoresha e përgjithshme e Agjencisë Shtetërore të Kadastrës, Lorena Goxhobelli, ka vendosur mbylljen e strukturave vendore të Kadastrës në Vlorë. Vendimi hyn në fuqi më 1 shkurt 2026 dhe parashikon transferimin e të gjitha shërbimeve të menaxhimit të pronave drejt Tiranës.
Sipas dokumentit zyrtar, ky ndryshim bëhet për të “përmirësuar organizimin e punës” dhe për të rritur eficencën e institucionit. Banorët e Vlorës do të duhet të udhëtojnë në kryeqytet për çdo shërbim që lidhet me dokumentet e pronësisë, duke shtuar kostot dhe kohën e nevojshme për këto procedura.
Gjatë drejtimit të Goxhobellit, Agjencia Shtetërore e Kadastrës ka pasur raporte për shkelje në proceset e legalizimeve dhe raste të abuzimeve me pronat publike. Kontrolli i Lartë i Shtetit ka evidentuar qindra shkelje që lidhen me procedurat e ndjekura dhe favorizime të individëve të caktuar.
