Prokuroria Speciale e Republikës së Kosovës (PSRK) në bashkëpunim me Krimet Ekonomike të Policisë së Kosovës janë duke zhvilluar një aksion në ndërmarrjen publike regjionale të pastrimit “Ekoregjioni” në Prizren.
Prokurori i rastit, Halim Borovci konfirmoi se aksioni ka të bëjë me hulumtimin e zhvilluar nga “Betimi për Drejtësi” lidhur me tenderin prej afro 400 mijë eurosh për blerjen e 5 kamionëve dhe një autofshesë.
Borovci po ashtu ka konfirmuar se përveç bastisjeve në zyrat e “Ekoregjionit”, është bastisur dhe shtëpia e kryeshefit Burim Shala.
Veprat penale për të cilat është duke u zhvilluar aksioni janë “Keqpërdorim i detyrës apo autoritetit zyrtar” dhe “Mashtrim me prokurim publik”.
Aksionin e ka konfirmuar, zëdhënësja e PSRK-së, Arbnorë Luta.
