Një incident është regjistruar mbrëmjen e së shtunës në qytetin e Vlorës, ku një person ka mbetur i plagosur me mjet prerës.
Ngjarja ka ndodhur në bulevardin kryesor të qytetit, duke shkaktuar shqetësim te qytetarët e pranishëm në zonë. I plagosuri është dërguar menjëherë në spital, ku po merr ndihmën e nevojshme mjekësore, ndërsa mësohet se ndodhet jashtë rrezikut për jetën.
Shërbimet e Policisë kanë ndërhyrë menjëherë dhe kanë bërë të mundur arrestimin e autorit të dyshuar.
Rrethanat dhe motivet e ngjarjes mbeten ende të paqarta, ndërsa policia vijon punën për zbardhjen e plotë të rastit.
