Një denoncim ka mbërritur në redaksinë e JOQ Albania nga një infermiere në Kukës, e cila ngre shqetësimin se infermierët nuk kanë marrë ende pagën e muajit dhjetor, edhe pse sot është data 21 janar.
Sipas denoncimit, punonjësit e shëndetësisë ndodhen në vështirësi financiare, ndërsa presin prej javësh që paga të hidhet në llogaritë e tyre.
“Sot, më 21 janar, ende nuk kemi marrë rrogat e muajit dhjetor. Jemi shtresë e mesme, presim rrogën dhe kemi mbetur duke u lutur se mos nesër i nxjerrin,” shprehet infermierja në mesazhin e dërguar.
Punonjësit kërkojnë një zgjidhje sa më të shpejtë të situatës, ndërsa deri tani nuk ka pasur një sqarim zyrtar lidhur me vonesën e pagave.
