Një ngjarje e rëndë është regjistruar këtë të mërkurë në zonën e Bushtricës, ku një i moshuar rreth 60 vjeç ka humbur jetën në rrethana tragjike. Sipas informacioneve paraprake, dyshohet se viktima ka rënë nga ura hekurudhore e Bushtricës mbi trasenë e rrugës automobilistike, duke gjetur vdekjen në vend.
Në vendngjarje kanë mbërritur shërbimet e Policisë, të cilat po punojnë për sqarimin e plotë të rrethanave dhe identifikimin e viktimës. Trupi i pajetë është dërguar për ekspertizë mjeko-ligjore, ndërsa hetimet vijojnë dhe pritet një njoftim zyrtar nga autoritetet.
