Mbrëmja e sotme e Ligës së Kampionëve solli emocione të forta, rezultate surprizuese dhe plot gola në disa prej stadiumeve më të rëndësishme të Europës.
Në “San Siro”, Interi u mposht 3-1 nga Arsenali, duke regjistruar humbjen e tretë radhazi në këtë fazë të kompeticionit. Londinezët dominuan takimin dhe gjetën rrjetën dy herë me Gabriel Jesus, ndërsa goli tjetër u shënua nga Gyökeres. Për zikaltërit, goli i vetëm mbeti ai i Suçiç, i pamjaftueshëm për të shmangur një tjetër disfatë.
Me këtë fitore, Arsenali i Mikel Artetës konfirmohet në krye të renditjes me ecuri perfekte, ndërsa situata për Interin ndërlikohet ndjeshëm. Skuadra e drejtuar nga Chivu mbetet në kuotën e 12 pikëve dhe objektivi i 8 vendeve të para bëhet gjithnjë e më i vështirë. Zikaltërit do ta mbyllin fazën e ligës në Gjermani, ndaj Borussia Dortmund, në një sfidë vendimtare.
Spektakël i madh u regjistrua në Madrid, ku Real Madrid shkatërroi Monacon me rezultatin e thellë 6-1. Protagonist absolut i mbrëmjes ishte Kylian Mbappé, autor i dy golave ndaj ish-ekipit të tij, por shkëlqeu edhe Vinícius Júnior, i cili shënoi një gol dhe dha dy asiste. Në listën e golashënuesve u regjistruan gjithashtu Bellingham dhe Mastantuono, ndërsa një autogol i Kehrer e thelloi më tej rezultatin. Goli i vetëm për Monacon u shënua nga Teze.
Humbje befasuese për PSG, që u mposht 2-1 në transfertë nga Sporting CP. Dy golat e Suarez i dhanë fitoren portugezëve, ndërsa për parisienët realizoi Kvaratskhelia, por pa mjaftuar për të marrë pikë.
Fitore të rëndësishme shënuan edhe:
Ndërkohë, Napoli u ndal në barazim 1-1 në transfertë ndaj Copenhagen, duke zhgënjyer përballë një kundërshtari që luajti me një lojtar më pak që nga minuta 35-të e pjesës së parë.
Champions League vazhdon të dhurojë surpriza dhe tension, ndërsa gara për kualifikimin hyn në fazën më vendimtare.
