Një aksident i rëndë rrugor ka ndodhur mbrëmjen e sotme rreth orës 22:00 në qytetin e Laçit, ku janë përplasur dy automjete.
Sipas informacioneve, në aksident janë përfshirë një automjet me drejtues shtetasin Aron Zymaj dhe një automjet tjetër që drejtohej nga shtetasi Gentjan Xhaferri, 23-vjeç.
Si pasojë e përplasjes, ka humbur jetën shtetasi Elinor Tusha, rreth 25-vjeç, i cili ndodhej pasagjer në automjetin që drejtohej nga Gentjan Xhaferri.
Gjithashtu, janë transportuar për ndihmë mjekësore në Spitalin e Traumës drejtuesi i automjetit Gentjan Xhaferri, 23-vjeç, si edhe pasagjeri tjetër Leandro Fufi, 23-vjeç. Burime zyrtare bëjnë me dije se të dy ndodhen jashtë rrezikut për jetën.
Drejtuesi i automjetit tjetër, shtetasi Aron Zymaj, është shoqëruar në Komisariat për kryerjen e veprimeve të mëtejshme procedurale, ndërsa policia po punon për sqarimin e plotë të rrethanave dhe shkaqeve të aksidentit.
