Një akt dhune është shënuar në Lushnjë, ku një grua 52-vjeçare me banim në Tiranë është arrestuar pasi ka ushtruar dhunë fizike ndaj dhëndrit të saj, pas një konflikti mes tyre.
Sipas Policisë, shtetasja L. Sh. është konfliktuar fillimisht me bashkëshortin e vajzës dhe më pas ka kaluar në dhunë fizike, duke shkaktuar shqetësim dhe rrezik për sigurinë e tij. Ndërhyrja e menjëhershme e uniformave blu ka parandaluar përshkallëzimin e mëtejshëm të situatës.
52-vjeçarja është arrestuar në flagrancë nga Specialistët për Hetimin e Krimeve në Komisariatin e Policisë Lushnjë, ndërsa materialet procedurale i janë referuar Prokurorisë për veprime të mëtejshme ligjore.
