Një video e publikuar së fundmi ka bërë xhiron e rrjetit, ku shfaqet një hermelinë e bardhë malore duke kërcyer dhe luajtur në dëborën e trashë që mbulon peizazhin dimëror.
Në pamjet e publikuara në “X”, krijesa e vogël duket sikur po shijon momentin e dimrit, duke lëvizur me kërcime të shpejta mbi dëborë. Ky spektakël natyror ka tërhequr vëmendjen dhe zemrat e shumë shikuesve online.
Hermelina, e njohur ndryshe si stoat ose short-tailed weasel, është një kafshë grabitqare e vogël që jeton në zonat malore dhe pyjet e ftohta. Gjatë dimrit, ajo ndryshon ngjyrë nga kafe në të bardhë të pastër, një adaptim natyror që e ndihmon të kamuflohet në dëborë dhe të mbijetojë në temperaturat e ulëta.
