Një qytetar ka denoncuar përmes redaksisë tonë gjendjen problematike të ndriçimit publik te zona e Liqenit të Thatë.
Sipas tij, dritat e vendosura nga Bashkia e Tiranës, nga kryetari Erion Veliaj dhe ish-drejtorët w 5D, ndodhen në gjendje të amortizuar dhe jashtë funksionit, pavarësisht tenderave miliona lekësh që janë dhënë.
Qytetari shprehet se jo vetëm që zona ka mbetur pa ndriçim gjatë natës, por strukturat e dëmtuara përbëjnë edhe rrezik për banorët dhe kalimtarët, duke ngritur shqetësime serioze për sigurinë publike.
Banorët kërkojnë reagim të menjëhershëm nga institucionet përgjegjëse për riparimin ose zëvendësimin e ndriçimit dhe transparencë mbi fondet e shpenzuara.
