Një rast shqetësues i komunikimit abuziv në rrjetet sociale është denoncuar së fundmi nga një biznes footwear online duke nxjerrë në pah mungesën e etikës së klientëve me faqet online.
Në redakainë e JOQ është denoncuar një kliente abuzive që ka ofenduar rëndë një biznes. Ajo ka porositur një produkt në një faqe online, por pas marrjes së tij ka kërkuar ndërrim numri por me një tjetër produkt.
Faqja sqaron se pasi i ka shpjeguar klientes se nuk bën ndërrim produktesh por vetëm numri për të njëjtin produkt që ka blerë në fillim, ka pranuar t'ia bëjë ndërrimin me produktin tjetër që klientja donte duke bërë një përjashtim për rastin dhe politikat e faqes.
Ajo ka insistuar për ndërrimin me produktin tjetër disa herë dhe faqja ka pranuar t'ia ndërrojë.
Deri këtu, situata konsiderohet normale dhe pjesë e procedurave standarde të shitjes. Por gjithçka ka marrë një kthesë të papranueshme në momentin kur gjatë komunikimit me shërbimin ndaj klientit të faqes, klientja ka përdorur gjuhë fyese dhe ofenduese dhe ka shpërthyer në sharje banale.
Pas sharjeve banale, kjo e fundit jo vetëm që ka refuzuar të vijojë komunikimin korrekt, por ka zgjedhur të bllokojë faqen duke e kërcënuar, duke fshirë të dhënat e saj e shmangur çdo përgjegjësi apo sqarim të mëtejshëm për gjuhën fyese të dënueshme me ligj.
Biznesi bën me dije për JOQ, duke siguruar bisedat e plota se jo vetëm ka respektuar të gjitha rregullat për ndërrimin e produktit duke kaluar edhe politikat e faqes, e sërish sjellja e klientes ka qenë e papranueshme dhe në kundërshtim me etikën minimale të komunikimit.
Për më tepër biznesi shkruan se kjo e fundit i kishte ndërruar produktet që biznesi shet, me një tjetër produkt të një cilësie që nuk e disponojnë, dhe kishte pretenduar se po e mashtrojnë, pavarësisht se ata kishin pranuar t'ia kryenin ndërrimin dhe porosia ishte 100% korrekte.
