Një qytetare i është drejtuar redaksisë sonë për të denoncuar një shqetësim me të cilin po përballet prej ditës së djeshme.
Sipas saj, një automjet tip “Ford”, me ngjyrë blu, i parkuar në rrugën “Besim Alla” në zonën e Yzberishtit, i ka bllokuar daljen makinës së saj, duke e bërë të pamundur lëvizjen e mjetit. Ajo thekson se në automjetin në fjalë nuk ndodhet asnjë numër telefoni për të kontaktuar pronarin.
Qytetarja shprehet se e ka referuar rastin pranë policisë, por deri më tani nuk ka marrë asnjë zgjidhje. Përballë kësaj situate, ajo i është drejtuar redaksisë sonë me shpresën se pronari i automjetit do të vihet në dijeni dhe do të paraqitet për ta lëvizur mjetin.
