Nënkryetari i Lidhjes Demokratike të Kosovës, Lutfi Haziri, ka bërë një deklaratë të hapur lidhur me proceset e brendshme zgjedhore në parti dhe raportin e tij me kryetarin aktual, Lumir Abdixhiku.
Haziri ka kujtuar kohën e Kuvendit Zgjedhor të LDK-së, ku ai ishte rival i drejtpërdrejtë i Abdixhikut për postin e të parit të partisë.
Ai sqaroi se, për shkak të garës, vota e tij nuk shkoi për fituesin, por theksoi se kjo nuk ka penguar bashkëpunimin e tyre të ngushtë.
“Unë jam nënkryetar i LDK-së dhe kam qenë kundërkandidat i Lumir Abdixhikut. Rrjedhimisht unë s’kam votuar për Lumir Abdixhikun në atë Kuvend. Dallimi me vota s’ka qenë i madh, por ia kemi zgjatur dorën njëri-tjetrit dhe asnjëherë nuk i kemi shfaqur dallimet që kemi!” u shpreh Haziri.
