Më 13 janar 2021, kompania FUSHA SH.P.K. mori një tjetër tender prej 4 milionë eurosh nga Fondit Shqiptar i Zhvillimit e drejtuar nga Dritan Agolli, për përmirësimin urban të qytetit të Përmetit. Tenderi, për habi, nuk ishte publikuar në platformat e zakonshme të tenderave dhe figuron vetëm në faqen e FSHZH, duke e bërë praktikisht të pamundur kontrollin e tij nga palët e treta. Një procedurë e tillë fshehtësie ngre pyetje serioze për transparencën dhe drejtësinë e garës.
Nga dokumentet shihet se FUSHA e Shkëlqim Fushës ishte dukshëm e favorizuar: nga 5 firma pjesëmarrëse, 4 kishin ofruar oferta më të ulëta, madje njëra gati 1.1 milion euro më pak. Ky diferencim i madh duket se shpjegon pse tenderi u mbajt i fshehtë dhe nuk u publikua në platformat publike, duke nxjerrë në pah praktika që bien ndesh me standardet e konkurencës së ndershme.
Dikur një lajm i bujshëm, sot, më 13 janar 2026, rikujtohet si shembull i mungesës së transparencës. Ndërkohë, mbetet pyetja se kur SPAK me drejtues Klodian Brahon do të veprojë mbi kompaninë FUSHA për këtë tender të dyshimtë dhe për të hetuar favorizimin e mundshëm në procedurë, duke vendosur standardin për llogaridhënien e kompanive dhe institucioneve publike.
