Një i burgosur me rrezikshmëri të lartë ka arritur të arratiset nga spitali infektiv i Durrësit, ku ndodhej i shtruar për probleme shëndetësore.
I arratisuri është Altin Ndoci, i cili ishte vënë në pranga me urdhër të SPAK.
Ndoci ishte arrestuar si pjesë e operacionit “Plumbi i Artë” dhe akuzohet për përfshirje në masakrën e Bradasheshit, ku mbetën të vrarë tre persona. Ai konsiderohet si person me rrezikshmëri të lartë shoqërore.
Autoritetet kanë nisur kërkimet për kapjen e tij ndërkohë që rrethanat e arratisjes mbeten ende të paqarta.
