Rruga Luzni–Peshkopi vijon të përkeqësohet nga dita në ditë, duke u kthyer në një problem serioz për banorët dhe drejtuesit e mjeteve që e përdorin çdo ditë. Asfalti është çarë në disa segmente, ka gropa dhe plasaritje të thella që rrezikojnë sigurinë e qarkullimit, veçanërisht gjatë sezonit aktual të dimrit kur prania e borës dhe ngricave e bën situatën edhe më të rrezikshme.
Sipas banorëve të zonës, rruga është prej vitesh në gjendje të degraduar dhe mungesa e mirëmbajtjes ka bërë që dëmtimet të shtohen. Automjetet pësojnë dëmtime të shpeshta, ndërsa lëvizja e mjeteve të transportit dhe shërbimeve emergjente vështirësohet ndjeshëm. Ata shprehen se ankesat e vazhdueshme nuk kanë marrë përgjigje konkrete nga institucionet përgjegjëse.
Pavarësisht gjendjes alarmante të rrugës, kryebashkiaku i Dibrës, kryeqyryku Rahim Spahiu i Partisë Socialiste, nuk ka marrë asnjë masë konkrete për rehabilitimin e saj. Banorët kërkojnë ndërhyrje të menjëhershme dhe përgjegjësi institucionale, duke theksuar se neglizhenca po rrezikon jetën e qytetarëve dhe po izolon më tej zonën.
Pasi u cilësuan si çyryk nga kryeministri Edi Rama, partia në pushtet i ka lënë pa rrugë dibranët!
