Infermierët, mjekët, sanitaret dhe punonjësit e personelit shëndetësor në institucionet publike, i janë drejtuar redaksisë tonë për të denoncuar faktin se se paga për muajin dhjetor 2025 nuk është shpërndarë ende.
Sipas tyre, punonjësit vazhdojnë të kryejnë detyrat e tyre pa marrë pagesë, pa njoftime zyrtare, pa afate dhe pa asnjë sqarim nga institucionet përgjegjëse.
Ata thonë se kjo nuk është thjesht vonesë, por një shkelje e drejtpërdrejtë e Ligjit të Punës.
Punonjësit shëndetësor denoncojnë se kjo situatë përsëritet çdo vit, ku paga e dhjetorit nuk shpërndahet në afatin e caktuar, ndërsa muajin janar punonjësit e kalojnë pa rrogë.
Sipas tyre, institucionet mbajnë heshtje totale, ndërkohë që kërkohet që stafi të jetë në dispozicion 24/7 për emergjenca civile, të ofrojë shërbime, turne nate dhe të përballet me stres dhe rrezik profesional.
Punonjësit kërkojnë pagesën e menjëhershme të pagës së dhjetorit dhe paralajmërojnë se nuk do të vazhdojnë të punojnë me premtime boshe.
Denoncimi i plotë:
Përshëndetje JOQ, Jemi në janar dhe paga e muajit dhjetor 2025 nuk është ekzekutuar ende. I gjithë personeli shëndetësor – mjekë, infermierë, sanitare, përgjegjës shërbimesh – vazhdon të punojë PA U PAGUAR, pa asnjë njoftim zyrtar, pa asnjë afat, pa asnjë sqarim.
Kjo nuk është thjesht vonesë.ËSHTË SHKELJE E DREJTPËRDREJTË E LIGJIT TË PUNËS. Paga po përdoret si mjet presioni ndaj punonjësve Çdo vit e njëjta skemë abuzive: Dhjetori nuk paguhet, Janari kalon pa rrogë Heshtje totale nga institucionet. Ndërkohë na kërkohet të jemi 24/7 në dispozicion për emergjenca civile ,mbajmë shërbime, turne nate, përballojmë stres dhe rrezik profesional Dhe shteti çfarë bën? Nuk paguan, Nuk informon, Nuk mban përgjegjësi
Në media bëhet një propagandë e madhe për “rritje pagash” “vlerësim për bluzat e bardha” Në realitet: Paga mungon, ligji shkelet, dinjiteti i punonjësit dhunohet Personeli shëndetësor NUK ËSHTË SKLLAV. Nuk punojmë me premtime boshe. Kërkojmë pagesën e menjëhershme të pagës së dhjetor
