Një qytetar nga Vora ka denoncuar një situatë që sipas tij përsëritet çdo natë në rrugët e qytetit.
Ai ka dërguar pamje ku shihet dy automjete policie të ndalur në mes të rrugës në vende të ndryshme, duke penguar qarkullimin e mjeteve.
Sipas denoncuesit, ndërkohë që policia ndalon automjetin e saj ku të ketë dëshirë, qytetarët që veprojnë njësoj gjobiten me masa administrative. Ai shprehet se kjo përbën standard të dyfishtë në zbatimin e rregullave.
Në mesazhin shoqërues, qytetari kërkon reagim nga institucionet dhe thekson se situata është bërë e rëndë për banorët e zonës. Ai apelon që autoritetet të marrin masa për të siguruar qarkullim të rregullt dhe zbatim të barabartë të ligjit për të gjithë.
“Përditë e njëjta situatë me policinë dhe bashkinë e Vorës. Vetëm na vjedhin dhe na grabisin, por edhe pak do marrin ata që kanë mbjellë këta hajduta plehra. Ju lutem postojeni se na çmendën këta hajdutët në Vorë,” shkruan denoncuesi.
