Pas përfundimit të numërimit të votave, Partia Demokratike e Kosovës (PDK) ka siguruar 192,407 vota, duke u renditur e dyta në garën zgjedhore.
Bedri Hamza, falënderoi qytetarët për besimin dhe theksoi përgjegjësinë që vjen me këtë mbështetje.
“Këtë besim e marrim me përgjegjësi të madhe. Në një garë të vështirë dhe të pabarabartë, ruajtja e votës sonë është dëshmi se mijëra qytetarë besojnë në punën, seriozitetin dhe vlerat që PDK-ja i përfaqëson. Ky besim na obligon më shumë se kurrë që të riorganizohemi, t’i konsolidojmë radhët tona dhe ta intensifikojmë veprimin politik”, shkruan mes tjerash Hamza.
