Situata në Thumanë paraqitet alarmante për shkak të përmbytjeve të fundit pasi banorët nuk kanë marrë asnjë ndihmë nga institucionet dhe po përballen me pasojat vetëm me forcat e tyre.
Sipas një qytetari, ferma e tij me bagëti dhe shpendë është përmbytur plotësisht, duke shkaktuar dëme kolosale. Dhjetëra kafshë dhe shpendë kanë ngordhur ose janë zhdukur, ndërsa niveli i ujit ka arritur deri në 70–80 centimetra, duke e bërë të pamundur lëvizjen dhe ndërhyrjen normale.
Ai thotë janë lënë në mëshirë të fatit dhe kërkojnë ndërhyrje të menjëhershme nga autoritetet për evakuim, ndihmë emergjente dhe vlerësimin e dëmeve.
Banorët shprehen se situata mbetet kritike, ndërsa përmbytjet vazhdojnë të rrezikojnë jetën, ekonominë dhe sigurinë e banorëve të zonës.
