Lumi Osum ka dalë nga shtrati në fshatin Tapi në Kuçovë, duke shkaktuar shqetësim të madh tek banorët. Rruga kryesore është e bllokuar, gjë që e pamundëson për fëmijët të shkojnë në shkollë dhe pengon qarkullimin e banorëve.
Pemët në zonë janë plotësisht të mbuluara nga uji, ndërsa autoritetet nuk kanë ardhur për t’i vlerësuar dëmet. Banorët ankohen se nuk kanë marrë asnjë dëmshpërblim dhe ndihen të braktisur përballë situatës.
"Ka dalë nga shtrati lumi Osum në fshatin Tapi-Kuçovë. Banorët janë të shqetësuar, sepse fëmijët e tyre nuk mund të shkojnë dot në shkollë për shkak të bllokimit të rrugës. Pemët janë plotësisht të mbuluara nga uji, nuk vijnë të na i shikojnë dhe nuk flasin as për dëmshpërblim!", shkruan banori.
