Gjirokastra renditet ndër zonat më të goditura nga situata e fundit. Pamjet thuajse apokaliptike, me grumbuj inertesh dhe gurësh që kanë pushtuar rrugët dhe bizneset, janë pasojë e vërshimeve të fuqishme të lumenjve dhe përrenjve.
Në këtë kontekst të rënduar, një qytetar i është drejtuar redaksisë sonë duke ngritur një shqetësim që, sipas tij, prej vitesh mbetet i pazgjidhur në Gjirokastër. Ai thekson se grykat e përrenjve janë të bllokuara dhe se bashkia nuk ka ndërmarrë asnjë masë konkrete për pastrimin dhe rregullimin e tyre.
Sipas qytetarit, kjo neglizhencë përbën një nga arsyet kryesore të përkeqësimit të situatës në qytet. Në mesazhin e tij, ai shprehet se institucionet vendore kujtohen për qytetarët vetëm në periudha zgjedhore, duke shtuar se Flamur Golemi i rikujton banorët e Gjirokastrës vetëm kur ka nevojë për votat e tyre.
Mesazhi i qytetarit:
Ju përshëndes nga përrenjtë e Gjirokastrës, njerëz të harruar vetëm marrin votat kujtohen që ekzistojmë edhe në këto ditë 112 nuk punon.
