Mbi 500 banorë në Qarkun e Elbasanit kanë mbetur pa energji elektrike si pasojë e dëmtimeve në rrjetin shpërndarës. Problemet në furnizim kanë vijuar edhe gjatë ditës së sotme, ndërsa aktualisht 514 abonentë rezultojnë pa energji elektrike.
Sipas të dhënave zyrtare, nga Rajoni Elbasan, Fidri 2 i Nënstacionit “Përparim” është pjesërisht jashtë funksionit, duke lënë pa energji elektrike 164 abonentë në zonat Garunje dhe Cacabeze. Ndërkohë, Fidri 2 i Nënstacionit Prrenjas ka pësuar dëmtime në shtyllat e tensionit të mesëm, si pasojë e përplasjes së një automjeti, çka ka shkaktuar ndërprerje të energjisë për 390 abonentë në zonën e Radokalit.
