Aksi nacional Tepelenë–Gjirokastër është bllokuar pasditen e sotme në vendin e quajtur “Shkalla e Zezë”, si pasojë e rënies së një masivi shtufor në trupin e rrugës.
Shembja e dherave dhe gurëve ka bërë të pamundur qarkullimin e automjeteve, duke shkaktuar radhë të gjata pritjeje në të dy anët e aksit. Drejtuesit e mjeteve janë detyruar të qëndrojnë për një kohë të gjatë në pritje të hapjes së rrugës.
Në zonë pritet ndërhyrja e autoriteteve përkatëse dhe mjeteve të rënda për pastrimin e rrugës dhe rikthimin e qarkullimit normal.
