Situata në Durrës vijon të mbetet problematike si pasojë e reshjeve të dendura të shiut, të cilat kanë shkaktuar përmbytje në disa zona.
Probleme janë raportuar edhe në Institucionin e Ekzekutimit të Vendimeve Penale në Durrës, ku janë përmbytur tetë qeli në katin e parë. Për menaxhimin e situatës janë dërguar pompa për largimin e ujit.
Në këtë institucion ndodhen rreth 300 të paraburgosur. Në katin e parë ndodhet edhe kryebashkiaku i Tiranës, Erion Veliaj, dhe ish-ministri i Shëndetësisë, Ilir Beqaj.
