Aksi rrugor Elbasan–Librazhd ndodhet në një gjendje tejet të amortizuar, duke shkaktuar shqetësim të madh për drejtuesit e mjeteve dhe banorët e zonës. E gjithë rruga është e dëmtuar, çka e bën qarkullimin të vështirë dhe të rrezikshëm.
Mungesa e shenjave rrugore dhe prania e gropave të shumta, të cilat nuk janë mbushur prej kohësh, kanë ulur ndjeshëm nivelin e sigurisë. Drejtuesit e mjeteve përballen çdo ditë me rrezik aksidentesh dhe dëmtime automjetesh.
"Ndodhemi në aksin Elbasan Librazhd, është dëmtuar e gjithë rruga. Nuk ka shenja rruge. Gropat nuk mbushen. Siguria 0. Ka 3 vjet na është kthyer në makth kjo rrugë", shkruan qytetari.
Prej tre vitesh, kjo rrugë është kthyer në një makth për përdoruesit e saj. Kërkohet ndërhyrje e menjëhershme nga institucionet përgjegjëse për rehabilitimin e aksit dhe garantimin e sigurisë rrugore.
