Një aksident tragjik ka ndodhur sot në aksin rrugor “Peqin-Elbasan”, në fshatin Bradashesh. Sipas informacionit paraprak, makina me drejtues 59-vjeçarin me iniciale A. H. dyshohet se ka përplasur për vdekje shtetasen 46-vjeçare N. S., e cila për shkak të dëmtimeve të marra ka ndërruar jetë në spital.
Drejtoria Vendore e Policisë Elbasan njofton se specialistët e Qarkullimit Rrugor kanë arrestuar në flagrancë A. H., për veprën penale “Shkelja e rregullave të qarkullimit rrugor” me pasojë vdekjen e viktimës.
Policia po vijon hetimet për të sqaruar rrethanat e aksidentit dhe për të përcaktuar shkakun e saktë të përplasjes, ndërkohë që apelohet për kujdes maksimal të drejtuesve të mjeteve në këtë aks rrugor.
