Një ngjarje e rëndë është regjistruar mbrëmjen e së dielës në qytetin e Sarandës, ku një grua e moshuar ka humbur jetën pasi ka rënë nga ballkoni i banesës së saj.
Ngjarja ka ndodhur rreth orës 19:30, në një pallat të lagjes nr. 3. Viktima është identifikuar si Selfije Demani, 85 vjeçe, e cila është transportuar me urgjencë në spitalin e Sarandës në gjendje të rëndë shëndetësore.
Sipas burimeve, e moshuara ka pësuar fraktura të shumta, dëmtime në të dy gjunjët, në zonën e legenit si edhe dëmtime në mushkëri. Mjekët e kanë futur menjëherë në sallën e operacionit, por për shkak të gjendjes kritike, ajo nuk ka mundur të mbijetojë.
Nga të dhënat paraprake, mësohet se në momentin e ngjarjes 85-vjeçarja ndodhej e vetme në banesë, kishte probleme me shikimin dhe lëvizte me ndihmën e patericave. Burime jozyrtare bëjnë me dije se ajo dyshohet se vuante edhe nga probleme të shëndetit mendor.
Policia ka nisur hetimet për të zbardhur rrethanat e plota të ngjarjes dhe po punon në dy pista, atë të një aksidenti të mundshëm dhe atë të vetëvrasjes, ndërsa pritet më shumë informacion nga hetimi.
