Një aksident ka ndodhur në bypass-in e Fierit, në afërsi të fshatit Mbrostar, ku janë përplasur një furgon dhe një automjet. Sipas informacioneve paraprake, furgoni ka goditur nga pas automjetin, të cilët po lëviznin në të njëjtin drejtim.
Si pasojë e përplasjes janë shkaktuar vetëm dëme materiale, ndërkohë që nuk raportohet për persona të lënduar rëndë.
Në vendngjarje kanë mbërritur shërbimet e Policisë, të cilat kanë nisur hetimet për të zbardhur shkaqet dhe rrethanat e aksidentit. Njëri nga drejtuesit e mjeteve është shoqëruar për verifikime të mëtejshme.
