Një aksident rrugor është regjistruar mbrëmjen e sotme në zonën e Petovës, pranë repartit të FNSH-së, në Fier.
Sipas informacioneve paraprake, një automjet tip “Benz” ka përplasur një çift bashkëshortësh, të cilët kanë pësuar lëndime si pasojë e përplasjes së fortë.
Të plagosurit janë transportuar me urgjencë drejt Spitalit Rajonal Fier, ku po marrin ndihmën e nevojshme mjekësore. Burime nga spitali bëjnë me dije se ndodhen jashtë rrezikut për jetën.
Në vendngjarje kanë mbërritur shërbimet e Policisë dhe grupi hetimor, të cilët po punojnë për të sqaruar rrethanat dhe shkaqet e aksidentit.
