Një qytetar ka dërguar video që tregojnë prerje të paligjshme të pemëve dhe shkatërrim të fidaneve të reja të druve të ahut në Lurë të Dibrës. Materiali tregon se pemët e reja, të mbjella për të zhvilluar pyjet e zonës, po priten dhe dëmtohen në mënyrë të qëllimshme.
Sipas pamjeve, prerjet janë të dukshme dhe ndikojnë drejtpërdrejt në mjedisin lokal, duke rrezikuar jo vetëm gjelbërimin, por edhe stabilitetin e tokës dhe biodiversitetin e zonës. Banorët e komunitetit shprehin shqetësim për dëmin që po i shkaktohet natyrës dhe bëjnë thirrje që aktet e tilla të ndalen, duke theksuar rëndësinë e mbrojtjes së pemëve dhe fidaneve që sapo po zhvillohen.
