Një i ri shqiptar 23-vjeçar ka humbur jetën si pasojë e një aksidenti rrugor të ndodhur në orët e para të mëngjesit të së premtes në Greqi. Sipas raportimeve, ai po drejtonte automjetin e tij kur, për arsye ende të paqarta, ka humbur kontrollin e mjetit, duke dalë nga rruga dhe u përplasur me barrierat mbrojtëse.
Si pasojë e përplasjes së fortë, automjeti është përmbysur, ndërsa trupi i të riut është nxjerrë nga mjeti pas ndërhyrjes së ekipeve zjarrfikëse. Viktima u transportua me urgjencë në spitalin më të afërt në zonën e Atikës, në gjendje të rëndë shëndetësore, por fatkeqësisht nuk arriti t’u mbijetojë plagëve të marra.
Autoritetet greke kanë nisur hetimet për të zbardhur plotësisht shkaqet e aksidentit.
