Cristiano Ronaldo i ka objektivat e qarta. Ylli portugez nuk ka ndërmend t’i japë fund karrierës së tij futbollistike pa arritur shifrën historike prej 1000 golash.
“Të vazhdosh të luash në këtë moshë nuk është e lehtë, por futbolli mbetet pasioni im më i madh. Nuk ka rëndësi se ku aktivizohem, qoftë në Lindjen e Mesme apo në Evropë. Objektivi im është i qartë: të shënoj gola dhe të arrij numrin që të gjithë e dini. Synimi im janë 1000 gola”, është shprehur Cristiano Ronaldo.
Aktualisht, 40-vjeçari ka realizuar 956 gola gjatë gjithë karrierës së tij.
