Autoritetet nigeriane kanë raportuar se boksieri britanik i peshave të rënda, Anthony Joshua, ishte i përfshirë në një aksident automobilistik në autostradën Ogun–Lagos.
36-vjeçari ka lidhje familjare me qytetin Sagamu, që ndodhet në shtetin Ogun, në jugperëndim të Nigerisë. Policia i ka konfirmuar BBC-së se Joshua ka pësuar lëndime të lehta, por gjendet në gjendje të mirë.
Komanda e Policisë së Shtetit Ogun bëri me dije se dy persona humbën jetën në aksident, ndërsa Joshua dhe të tjerët që u lënduan janë transportuar në një spital, emri i të cilit nuk është bërë i ditur.
