Pamjet në fjalë janë nga vendi ku humbi jetën Hysni Ymeri, 67 vjeç, pas një shpërthimi të fuqishëm në hyrjen e një pallati në lagjen “Manush Alimani”. Policia fillimisht deklaroi se shkak ishte shpërthimi i matësave të energjisë elektrike, por OSHEE e mohoi këtë version, duke theksuar se boksat e matësave nuk lidhen me ngjarjen.
Grupi hetimor, nën drejtimin e Prokurorisë, po punon për të dokumentuar rrethanat e ngjarjes dhe për të përcaktuar shkakun e vërtetë të shpërthimit. Ende nuk është konfirmuar nëse bëhet fjalë për një defekt elektrik apo për material shpërthyes, duke lënë vend për spekulime dhe shqetësim tek banorët dhe familjarët.
